ອາການ ເຊັ່ນ: ສຸ່ງດີ, ສຸ່ງຮ້າຍ.
(ໃນປາລີແບ່ງຍາມແຕ່ໃນເວລາກາງຄືນ ມີແຕ່ 3 ຍາມ ຄື ປະຖົມຍາມ ຍາມຕົ້ນ, ມັດຊິມະຍາມ ຍາມກາງ, ປັດສິມະຍາມ ຍາມສຸດທ້າຍ).
ເວລາເລີ່ມຕົ້ນຂອງກາງເວັນແລະ ກາງຄືນ ເອີ້ນ: ຕູດ, ຄຳວ່າ "ຕູດ" ທີ່ແປວ່າ ຍາມນີ້ ມາຈາກສຽງດັງຂອງສັງ ຫຼື ສຽງແກ ທີ່ເປົ່າບອກເວລາ ດັງ "ຕູດໆ".
ດາວພະເຄາະທາງໂຫຣາສາດ ມີ 9 ຄື: 1. ທະລິດໂທ = ຍາກຈົນ. 2. ມະຫັດທະໂນ = ມີຊັບຫຼາຍ. 3. ໂຈໂຣ = ຂະໂມຍ. 4. ພູມິປາໂລ = ຜູ້ຮັກສາຈັກກະວານ. 5. ເທສາຕຣີ = ຄຳສັ່ງສອນ. 6. ເທວິ = ເທວະດາ. 7. ເພັດຊະຄາດ = ຜູ້ທຳລາຍຊີວິດຂອງຜູ້ອື່ນ. 8. ຣາຊານ = ພະຣາຊາ. 9. ສຳມະນະ = ຜູ້ປາດສະຈາກກິເລດທັງປວງ.
ການຜັັດປ່ຽນກັນເຮັດວຽກ ເອີ້ນ ເວນ ເຊັ່ນ ປ່ຽນເວນ, ເຂົ້າເວນ, ອອກເວນ ເປັນຕົ້ນ. ເວນ 3 ນ. ເວນກຳ, ຄວາມພະຍາບາດ, ອາຄາດ, ຜູກເວນຜູກກຳຕໍ່ກັນ, ການຈ່ອງລ້າງຈ່ອງຜານຕໍ່ກັນ, ຜົນການກະທຳຜ່ານມາ, ກົງລໍ້ ການກະທຳ, ກຳເກົ່າເວຣຫຼັງ .
ລະດູ ເຊັ່ນ ລະດູເຮັດນາ ເອີ້ນ ໜ້ານາ, ລະດູທີ່ມີຝົນຕົກ ເອີ້ນ ໜ້າຝົນ, ລະດູທີ່ບໍ່ມີຝົນ ເອີ້ນ ໜ້າແລ້ງ.
ໄລຍະແຕ່ລະບ່ອນໜຶ່ງໄປເຖິງບ່ອນ ໜຶ່ງ ຢ່າງວ່າ "ແຕ່ນັ້ນ ກາຍກີບກ້ຳ ດົງຫວ້າຫວ່າງ ພາຍ".