ບ່ອນບອກເຫດການ ແລະ ໃນປາລີ ໄດ້ແບ່ງຍາມແຕ່ເວລາກາງຄືນມີພຽງ 3 ຍາມ ຄື: ປະຖົມມະຍາມ ຍາມຕົ້ນ, ມັດຊິມະຍາມ ຍາມກາງ, ປັດສິມມະຍາມ ຍາມສຸດທ້າຍ. ໃນບູຮານໄດ້ແບ່ງຍາມກາງເວັນອອກເປັນ 8 ຍາມ ຊຶ່ງເອີ້ນຊື່ດັ່ງນີ້: 1. ຍາມຕູດເຊົ້າ, 2. ຍາມກອງງາຍ, 3. ຍາມແຖໃກ້ທ່ຽງ, 4. ຍາມທ່ຽງ. 5. ຍາມຕູດຊ້າຍ. 6. ຍາມກອງແລງ, 7. ຍາມແຖໃກ້ຄ່ຳ, 8. ຍາມຄ່ຳ.

ຍຸກຕົ້ນຂອງໂລກ ມີອາຍຸໄດ້ 1.728.000 ປີ. 2. ໄຕດາຍຸກ, ຍຸກທີສອງ ຂອງໂລກມີອາຍຸໄດ້ 1.296.000 ປີ. 3. ທະວາປະລະຍຸກ, ຍຸກທີສາມຂອງໂລກ ມີອາຍຸໄດ້ 864.000 ປີ. 4. ກະລີຍຸກ, ຍຸກປັດຈຸບັນນີ້ ເປັນຍຸກທີ່ ເສື່ອມຖອຍ ມີອາຍຸໄດ້ 432.000 ປີ. ໂຮມ 4 ຍຸກ ມີອາຍຸໄດ້ 4.320.000 ປີ, ນັບເປັນ: 1 ມະຫາຍຸກ ແລະ ໂຮມ 2 000 ມະຫາຍຸກຈຶ່ງເປັນ: ໜຶ່ງກັບ ຄື ເປັນມື້ໜຶ່ງ ກັບຄືນໜຶ່ງ ຂອງມະຫາພົມຜູ້ສ້າງໂລກ (ຕາມການກ່າວໄວ້ໃນຄໍາພີຂອງ ສາດສະໜາພາມ, ຄະຕິພາມ).