ຄົນທີ່ມີໃຈເຂັ້ມແຂງ ກ້າຫານ ບໍ່ມີຄໍາວ່າສູ້ບໍ່ໄດ້ ເອີ້ນ: ຄົນກັ່ນ, ກ້າກັ່ນ ກໍວ່າ.

ຄົນກ້າຫານບໍ່ຢ້ານບໍ່ກົວ ເອີ້ນ ຄົນເກ່ງ.

ຄົນທີ່ມີສຸຂະພາບດີ ບໍ່ມີພະຍາດຫຍັງ ເອີ້ນ ແຂງແຮງ, ມີແຮງ ກໍວ່າ. ກົງກົນຂ້າມກັບອ່ອນ, ຄົນທີ່ບໍ່ຮູ້ຈັກອ່ອນ ນ້ອມ ຖ່ອມຕົນ ເອີ້ນ ແຂງກະດ້າງ, ແຂງພຽງບຶດດຽວ ເອີ້ນ ແຂງປາຄໍ່, ແຂງຍ່ຽວ ກໍວ່າ.

ແຮງ ເຊັ່ນ ແດດກ້າ ເອີ້ນ ແດດຈັດ, ແກ່ຈົນເກືອບສຸກເອີ້ນ ແກ່ຈັດ ໜາວຈົນມືແຂງ ເອີ້ນ ໜາວຈັດ, ຮ້ອນຈົນຢູ່ບໍ່ໄດ້ ເອີ້ນ ຮ້ອນຈັດ.

ແຫ້ງຫຼາຍ ເຊັ່ນ ໝາກພ້າວຫ້າວ ເປັນຕົ້ນ.