ແຕ້

ສ່ວນທີ່ຢູ່ລຸ່ມສຸດຂອງໃບຫູ ມີແຕ່ໜັງ ອ່ອນໆ ບໍ່ມີດູກ ເອີ້ນ ແຕ້ຫູ, ໝາກກະແຕ້ຫູ, ຕ້າງຫູ ກໍວ່າ.

ຊື່ໄມ້ແນວໜຶ່ງ ເອີ້ນ ໄມ້ແຕ້, ໄມ້ແຕ້ມີສອງຊະນິດ ຄື ແຕ້ໜາມ ແລະ ແຕ້ຄ່າ, ຕົ້ນໝາກແຕ້ໂຫຼ້ນໝາກຈະເປັນໜາມ, ສ່ວນແຕ້ຄ່າ ລໍາ ແລະ ໝາກບໍ່ມີໜາມ, ໝາກກິນໄດ້. ໄມ້ແຕ້ເປັນໄມ້ມີແກ່ນ ມີລາຄາແພງໃຊ້ເຮັດເຄື່ອງເຮືອນ ເຄື່ອງໃຊ້ຕ່າງໆໄດ້ດີ.

ເອົາມື ຫຼື ຕີນ ເນັ້ນລົງໃຫ້ແປ, ກົດລົງ, ທັບລົງ, ບີບລົງ, ເຊັ່ນ ເອົາມືກົດ ຫຼື ບີບຫູ ເອີ້ນ ເອົາມືບີບຫູ ຫຼື ເອົາມືແຕ້ຫູ.