ເຍີ

ເປັນຄຳຫ້ອຍທ້າຍ ບອກຄວາມໜ່ຽວວອນ ຫຼື ເປັນຄຳກິລິຍາຊ່ວຍ ເຊີນຊວນໃຫ້ມາ ເຊັ່ນ: ມາເຍີ, ກິນເຍີ, ນອນເຍີ, ມາເຢີ, ກິນເຢີ ກໍວ່າ.

ຊື່ຄົນບູຮານຜົວເມຍຄູ່ໜຶ່ງ ທີ່ຖືວ່າເປັນຕົ້ນເຄົ້າຂອງມະນຸດ ເອີ້ນວ່າ ປູ່ເຍີ ຍ່າເຍີ ຫຼື ທີ່ເອີ້ນວ່າ ປູ່ສັງກະສາ ຍ່າສັງກະສີ ຜູ້ເປັນຕົ້ນເຄົ້າຂອງມະນຸດ, ແຕ່ຝ່າຍສາສະໜາຄຣິດ ຖືວ່າແມ່ນ ພະເຈົ້າເປັນຜູ້ສ້າງໂລກ ແລະ ທຸກສັບພະສິ່ງຂຶ້ນມາ, ໂດຍສະເພາະ ອາດາມ ກັບ ເອວາ ເປັນມະນຸດຜູ້ທຳອິດທີ່ພະເຈົ້າສ້າງຂຶ້ນຢູ່ໃນໂລກນີ້.