ເງາະ

ຕົ້ນໄມ້ແນວໜຶ່ງ ທີ່ມີຄົນປູກຫຼາຍ, ໃຫ້ໝາກເປັນໜ່ວຍທີ່ຫຸ້ມດ້ວຍຂົນອ່ອນ ເປັນພົ້ວໃຫຍ່ ເວລາສຸກເປັນສີແດງ, ມີລົດຊາດຫວານ, ເປັນໝາກໄມ້ເສດຖະກິດ ລັກສະນະຄ້າຍຄື ໝາກຊາຕີ ເອີ້ນ ໝາກເງາະ.

ຄົນເຜົ່າໜຶ່ງທີ່ອາໄສຢູ່ຕາມປ່າຢ່າງເລື່ອນ ລອຍ ບໍ່ມີທີ່ຢູ່ເປັນຫຼັກແຫຼ່ງ ຫາກິນຕາມທຳມະຊາດ ຄົນພວກນີ້ ມີຫຼາຍຢູ່ໃນແຖບແຫຼມມາລາຢູ ປະເທດ ມາເລເຊຍ, ເອີ້ນ ເງາະປ່າ, ຢູ່ລາວເຮົາກໍມີ ເອີ້ນ ຊື່ "ຂ້າຕອງເຫຼືອງ".

ຕົວລະຄອນເອກ ໃນນິທານບູຮານລາວ ເລື່ອງ ທ້າວເງາະ, ມີຕົນຕົວດຳ ຜົມຢິິກ.

ຄົນທີ່ມີຮູບຮ່າງງໍ ເອີ້ນ ເງາະ ເຊັ່ນ ພະທີ່ແຂນງໍ ເອີ້ນ ຍາທ່ານເງາະ, ຊາຍທີ່ຂາງໍ ເອີ້ນ ທ້າວເງາະ, ຍິງທີ່ມືງໍ ເອີ້ນ ນາງເງາະ.