ເຂົ້າຈີ່

ຊື່ພັນໄມ້ພຸ່ມແນວໜຶ່ງ ໜ່ວຍນ້ອຍໆ ສີດຳໃຊ້ກິນໄດ້ ເອີ້ນ ຕົ້ນເຂົ້າຈີ່.

ເຂົ້າໜຽວໜຶ້ງ ປັ້ນເປັນກ້ອນກົມກໍໄດ້ ແປກໍໄດ້ ເອົາໄມ້ສຽບເຄິ່ງກາງ ໂຮຍເກືອແລ້ວຂາງໄຟໃຫ້ສຸກເຫຼືອງ ເມື່ອສຸກເຫຼືອງແລ້ວ ທັບໄຂ່ທາ ແລ້ວປີ້ງອີກ, ເມື່ອໄຂ່ສຸກແລ້ວ ຖອດໄມ້ອອກ ເອົານໍ້າອ້ອຍຍັດໃສ່ກິິນແຊບດີ.

ຊື່ບຸນປາງໜຶ່ງ ມີໃນຮີດສິບສອງຂອງລາວ ເຮັດໃນມື້ເດືອນສາມເພັງ ເອີ້ນ ບຸນເຂົ້າຈີ່, ບຸນມາຄະບູຊາ ກໍວ່າ.

ເຂົ້າໜົມປັງທີ່ເຮັດດ້ວຍແປ້ງເຂົ້າບະເລ ຄັ້ນນວດໃຫ້ເປັນກ້ອນ ແລ້ວເອົາເຂົ້າເຕົາອົບ ໃນອຸນຫະພູມພໍເໝາະພໍດີ ເວລາສຸກຈະເປັນສີເຫຼືອງແອ່ມແທ່ມ, ເປັນຂອງກິນກັບອາຫານຂອງພວກຝຣັ່ງ.