ສ່ວຍ

ຊົນເຜົ່າໜຶ່ງທີ່ເວົ້າພາສາມອນຂະແມ ຢູ່ທາງພາກໃຕ້ຂອງລາວ ເຊັ່ນ ເຂດເມືອງສຸຂຸມາ ແຂວງຈໍາປາສັກ.

ເງິນຄຳເກັບຈາກປະຊາຊົນທີ່ເປັນເມືອງຂຶ້ນ ຈະຕ້ອງສົ່ງໄປໃຫ້ແກ່ເມືອງ ຫຼື ປະເທດທີ່ຕົນຂຶ້ນກັບ ດັ່ງວ່າ "ພັນເມືອງມາ ສ່ວຍທອງທັງຄ້າຍ" (ສິນໄຊ).

ຄົນໃນປະເທດໜຶ່ງ ທີ່ຕົກເປັນຂ້ອຍຂ້າຂອງປະເທດອື່ນ ເຊັ່ນ ຄົນລາວເຮົາທີ່ຕົກເປັນຂ້ອຍຂ້າຂອງໄທໃນເມື່ອກ່ອນ ເອີ້ນວ່າ ເປັນສ່ວຍ, ເປັນຂ້ອຍ, ເປັນທາດ ກໍວ່າ.

ລ້າງດ້ວຍນ້ຳໃສສະອາດ ເຊັ່ນ ສ່ວຍໜ້າສ່ວຍຕາ, ສວ່າຍ ກໍວ່າ ດັ່ງວ່າ "ມ້ຽນສວ່າຍໜ້າແຄງແລ້ວເລົ່າຈາ".