ສິງ

ແມ່ນງູຊະນິດໜຶ່ງ ບໍ່ມີພິດ ເອີ້ນວ່າ ງູສິງ ມີ 4 ສາຍພັນ ຄື: ສິງຝ້າຍ, ສິງເສື້ອ, ສິງດົງ ແລະ ສິງທອງ, ຫຼາຍທ້ອງຖິ່ນນິຍົມເອົາຊີ້ນງູສິງມາເຮັດອາຫານທີ່ແຊບຊ້ອຍ.

ອຸ້ມລູກນ້ອຍແລ້ວຈູບດົມທັງຮ່ອນໄປໆມາໆ, ກ່າວຄຳກ່ອມ ແລະ ໄກວອູ່ລູກອ່ອນໄປນຳ ກໍເອີ້ນ ສິງລູກນ້ອຍ.

ກິ້ງ ຫຼື ລໍ້ທຽນເຜິ້ງໃຫ້ກິ້ງໄປກິ້ງມາເຮັດໃຫ້ກົມງາມ ເອີ້ນວ່າ ສິງທຽນ, ສີທຽນ ກໍວ່າ.

ໂຕສິງ ເປັນສັດເຈົ້າປ່າ ຕົວໃຫຍ່ເທົ່າເສືອໂຄ່ງ ເປັນສັດຮ້າຍທີ່ກິນສັດອື່ນເປັນ ອາຫານ. ສິງມີຊື່ໜຶ່ງອີກວ່າ ລາຊະສີ, ດັ່ງ ວ່າ "ລາຊະສີສິງມອມມ່າຍ ກະຕ່າຍເຕັ້ນຕາມຫົງ ພູຊົງ ແລະ ເຍືອງປ່າ ມະຍູລາຄວ່າເດີນດົງ".

ຊື່ດາວພະເຄາະໜ່ວຍໜຶ່ງ ເອີ້ນວ່າ ດາວສິງ.

ຜີເຂົ້າຢູ່ໃນຄົນ ຮຽກ ຜີສິງ (ໄສຍະສາດ).

ລີ້ຊ່ອນ ເຊັ່ນວ່າ "ອັນວ່າກອງດອກໄມ້ ເທຖອກພຽງພູ ແສນຄົນສິງ ຢູ່ໃນບໍ່ມີຮູ້" (ສິນໄຊ).