ວັນຫຼາວເຫຼັກ

ວັນທີ່ມີອຸປະສັກຂັດຂວາງ ເອີ້ນ ວັນຫຼາວເຫຼັກ ບູຮານໃຫ້ສະໂຫຼກໄວ້ດັ່ງນີ້: - ທິດສຸກ ຕົກ: ວັນອາທິດ ວັນສຸກ ຫຼາວເຫຼັກຢູ່ທິດຕາວັນຕົກ. -ຈັນ ເສົາອອກ: ວັນຈັນ ວັນເສົາ ຫຼາວເຫຼັກຢູ່ທິດຕາວັນອອກ. -ຄານພຸດ ເໜືອ: ວັນຄານ ວັນພຸດ ຫຼາວເຫຼັກຢູ່ທິດເໜືອ. -ພະຫັດໃຕ້: ວັນພະຫັດ ຫຼາວເຫຼັກຢູ່ທິດໃຕ້. ຈະໄປຕິດຕໍ່ວຽກງານ ຫຼື ໄປສະແຫວງຫາໂຊກລາບ ຫ້າມບໍ່ໃຫ້ຫັນໜ້າ ຫຼື ໄປທິດນັ້ນ ຫາກມີຄວາມຈຳເປັນຕ້ອງໄປກໍໃຫ້ໄປທິດອື່ນກ່ອນ ແລ້ວຈຶ່ງໄປທິດນັ້ນ.