ວັນຈົມວັນຟູ

ວັນທີ່ທຳການອັນໃດແລ້ວມັກປະສົບແຕ່ຄວາມຫຍຸ້ງຍາກ ລຳບາກໃຈ ເອີ້ນ ວັນຈົມ, ວັນທີິ່ທຳການອັນໃດສະດວກສະບາຍ ບໍ່ມີຂັດຂ້ອງຫຍັງ ເອີ້ນ ວັນຟູ. ວັນຈົມວັນຟູ ບູຮານໃຫ້ສະໂຫຼກໄວ້ດັ່ງນີ້ ຈຽງສຸກຈັນ, ຍີ່ເສົາຄານ, ສາມແປດທິດພຸດ, ສີ່ເກົ້າຈັນພະຫັດ, ຫ້າສິບຄານສຸກ, ຫົກສິບເອັດພຸດເສົາ, ເຈັດສິບສອງພະຫັດທິດ. ເດືອນຈຽງຈົມວັນສຸກ ຟູວັນຈັນ, ເດືອນຍີ່ຈົມວັນເສົາ ຟູວັນອັງຄານ ເດືອນສາມ ເດືອນແປດ ຈົມວັນອາທິດ ຟູວັນພຸດ, ເດືອນສີ່ເດືອນເກົ້າ ຈົມວັນຈັນ ຟູວັນພະຫັດ, ເດືອນຫ້າເດືອນສິບ ຈົມວັນອັງຄານ ຟູວັນສຸກ, ເດືອນຫົກ ເດືອນສິບເອັດ ຈົມວັນພຸດ ຟູວັນເສົາ, ເດືອນເຈັດ ເດືອນສິບສອງ ຈົມວັນພະຫັດ ຟູວັນອາທິດ.