ລານ

ຊື່ຕົ້ນໄມ້ແນວໜຶ່ງຄືຕົ້ນຕານແຕ່ໃບຍາວກວ່າໃບຕານ ຄົນລາວບູຮານເພິ່ນເອົາມາຕັດ ແຕ່ງໃຫ້ພໍດີພໍງາມສຳລັບຂຽນ ຫຼື ຈານໜັງສືໃສ່ ເອີ້ນວ່າ: ໜັງສືໃບລານ.

ຮຽກແຜ່ນເຫຼັກບາງໆ ແລະ ຍາວ ມີລັກສະນະຄືໃບລານແຕ່ແຂງ ເຊິ່ງຫັນເຂົ້າ ແລະ ຢືດອອກເປັນກຳລັງຍູ້ໃຫ້ຈັກຫັນ ເຊັ່ນ ລານໂມງ ເປັນຕົ້ນ.

ເອີ້ນ ສີເຫຼືອງ ທີ່ເປັນສີດັ່ງສີໃບລານວ່າ ສີລານ.

ດິນບ່ອນເສຍຫຍ້າໃຫ້ແປນໄວ້ ແລະ ລວາດດ້ວຍຂີ້ຄວາຍ ແລ້ວ ປະໃຫ້ແຫ້ງ ໃຊ້ສຳລັບ ຟາດເຂົ້າ ຫຼື ຕີເຂົ້າ. ບ່ອນມ້ຽນເຂົ້າທີ່ເກັບກ່ຽວມາຈາກທົ່ງນາ.

ເດີ່ນຫີນລາດທີ່ມີໜ້າພຽງຮາບງາມ ເອີ້ນ ລານຫີນ ຫຼື ພະລານຫີນ.

ເຄື່ຶອງໃສ່ເອົາປາຊະນິດໜຶ່ງສານດ້ວຍໄມ້ ໄຜ່ ມີງາ ເອົາຂີ້ຮຳໃສ່ແລ້ວຊຳໄວ້ໃນນ້ຳ ປາສ້ອຍ ປາຂາວມັກເຂົ້າເທື່ອລະຫຼາຍໆ.