ຢາງ

ຂອງແຫຼວ ແລະ ໜຽວ ທີ່ໄຫຼອອກຈາກຕົ້ນໄມ້ ເອີ້ນ: ຢາງໄມ້. ສິ່ງຂອງຕ່າງໆ ທີ່ເຮັດຈາກຢາງພາລາ ເປັນຕົ້ນ ເຊັ່ນ: ຢາງລົດ, ກະຕ່າຢາງ ຢາງລຶບ ແລະ ອື່ນໆ.

ຊື່ພືດໄມ້ປ່າແນວໜຶ່ງທີ່ເປັນເຄືອ ມີໝາກຢູ່ຕາມເຄືອ ໝາກນັ້ນມີຢາງຫຼາຍ ໝາກສຸກກິນໄດ້ ເອີ້ນ: ເຄືອໝາກຢາງ. ໝາກຢາງມີຫຼາຍຊະນິດ ເຊັ່ນ: ໝາກຢາງຊ້າງ ໜ່ວຍໃຫຍ່ ແລະ ໝາກຢາງທຳມະດາ ໜ່ວຍນ້ອຍ.

ຊື່ປາແນວໜຶ່ງ ເປັນປາບໍ່ມີເກັດໃນຈຳພວກປາຫູໝາດ ຫຼື ປາປື່ງ, ແຕ່ມີເມືອກເປັນຢາງ ອອກຈາກກ້ອງຫູຫຼາຍ ເອີ້ນ: ປາຢາງ, ປາເຜາະ ກໍວ່າ.