ມິດແທ້

ຊື່ຂອງຄົນທີ່ສາມາດເພິ່ງເປັນ ເພິ່ງຕາຍຮ່ວມກັນໄດ້, ຜູ້ໃຫ້ຄວາມຊື່ສັດສຸດຈະຣິດຕໍ່ກັນ, ຜູ້ມີໃຈເປັນອັນໜຶ່ງອັນດຽວກັນ ເອີ້ນ: ມິດແທ້. ໃນທາງພຸດທະສາດສະໜາ ກ່າວໄວ້ວ່າ: ມິດແທ້ ມີລັກສະນະ 4 ຢ່າງ: 1. ເພິ່ງເປັນເພິ່ງຕາຍຮ້າຍດີຕໍ່ກັນໄດ້ທຸກເມື່ອທຸກຍາມ. 2. ໃຫ້ຄວາມດູແລ ເບິ່ງແຍງ ຊຶ່ງກັນ ແລະ ກັນ. 3. ໃຫ້ຄວາມຍົກຍ້ອງ ແລະ ໃຫ້ກຽດເຊື່ອຖື ຕະຫຼອດໄປ. 4. ຄອຍປ້ອງກັນຄວາມກ່າວຫານິນທາຈາກຜູ້ບໍ່ຫວັງດີ.