ພຸ

ຊື່ອາວຸດຢ່າງໜຶ່ງ ເຮັດດ້ວຍບັ້ງໄມ້ປ່ອງ ຍາວປະມານ 2-3 ວາ ລູກເຮັດດ້ວຍໄມ້ປ່ອງ ທີ່ເຫຼົາເປັນລູກກົມໆ ປາຍແຫຼມ, ຢູ່ທາງກົ້ນລູກພຸນັ້ນ ເອົານຸ່ນພັນເວລາຊິຍິງ ເອົາລູກຍັດເຂົ້າຮູບັ້ງພຸແລ້ວໃຊ້ລົມປາກເປົ່າຢ່າງແຮງ.

ບ່ອນນໍ້າແຕກຟົ້ງຂຶ້ນຢູ່ແກ້ງ, ຢູ່ບ່ອນນໍ້າຫວັ່ນເປັນຂັນໂຂ ເພາະກຳລັງຂອງນໍ້າໄຫຼແຮງເອີ້ນ ພຸ.

ສະຖານທີ່ທີ່ສ້າງຂຶ້ນ ໃຫ້ມີນໍ້າຊັດພຸ່ງຂຶ້ນມາ ຕົວຢ່າງ ຢູ່ສວນສາທາລະນະ ເອີ້ນວ່າ ນໍ້າພຸ.

ແຕກອອກເປັນຜົງ ເອີ້ນ: ພຸເປື່ອຍ.

ຊື່ບັ້ງໄຟແນວໜຶ່ງ ຈຸດໃຫ້ມີສຽງດັງ ແລະ ມີລູກຟົ້ງຂຶ້ນເປັນສີງາມ ເອີ້ນ ບັ້ງໄຟພຸ.