ບົງ

ການເອົາເບ້ຍຜັກກາດໄປຊຳເພື່ອປູກໃຫ້ໃຫຍ່ ຮຽກ: ບົງຜັກກາດ. ອົບ, ອົບຢາດູດໃຫ້ປຸກ ເອີ້ນ: ບົງຢາ.

ເປັນພັນໄມ້ປ່າຊະນິດໜຶ່ງ ມີຢາງໜຽວ ໃຊ້ເປືອກແຊ່ນໍ້າຕົ້ມປະສົມໜັງຄວາຍ ແລ້ວເອົາໄປຄົນເຂົ້າກັບຫີນປູນ ໃຊ້ກໍ່ສິມ ຫຼື ທາດໄດ້ດີ. (ໃນສະໄໝບູຮານ ໃຊ້ແທນຊີມັງໄດ້. ຢາງຂອງບົງນີ້ໃຊ້ປະສົມກັບເຄື່ອງຫອມ ເຮັດກະທູບ ກໍໄດ້).

ຊື່ພັນໄມ້ໄຜ່ຊະນິດໜຶ່ງ ຮຽກໄມ້ໄຜ່ບົງ ໄມ້ບົງ ກໍວ່າ.

ໃບບິນຊື້ຂາຍ ບາງເທື່ອກໍເອີ້ນ ໃບບົງ ເຊັ່ນ: ໃບບິນ ໃບບົງ ກໍໄດ້.