ບອງ

ເອົາຂອງແອ້ມແຄມເຮືອຂຶ້ນ ເພື່ອບໍ່ໃຫ້ນໍ້າລົ້ນເຂົ້າເຮືອ ຫຼື ເອົາໄມ້ໄຜ່ປ່ອງມັດຕິດແຄມເຮືອ ເພື່ອບໍ່ໃຫ້ເຮືອຈົມ, ເອົາຂອງແອ້ມຂອບປາກພາຊະນະຂຶ້ນ ເພື່ອບໍ່ໃຫ້ຂອງຢູ່ໃນລົ້ນອອກ ຄວາມໝາຍກໍຄື ກັ້ງໄວ້, ບັງໄວ້, ຄ້ຳຊູໄວ້, ກັ້ນໄວ້.

ອາຫານລາວປະເພດໜຶ່ງ ເຮັດດ້ວຍປາແດກ ຕຳປະສົມກັບໝາກເຜັດ ແລະ ເຄື່ອງຫອມ ປະເພດ ຂ່າ ຫົວບົ່ວ ກະທຽມ ເອົາໄວ້ກິນດົນ ເອີ້ນວ່າ ແຈ່ວບອງ.

ຫວາຍຊະນິດເຄືອໃຫຍ່ ເອີ້ນວ່າ: ຫວາຍ ກະບອງ, ຫວາຍທູນ ກໍວ່າ.

ເຮັດໃຫ້ເຂົ້າເໜື້ອເຂົ້າໜັງກັນ, ປະສົມ ກິ່ນ ອາຍໃສ່ກັນ. ເອົານໍ້າເຫຼົ້າແຊ່ກັບຮາກຢາ ເພື່ອກິນ ດື່ມມີແຮງ ຊ່ວຍໃຫ້ກິນເຂົ້າແຊບ ນອນຫຼັບ.