ນາຍ

ຊື່ສຽງຮຽງນາມຄົນ, ຫົວໜ້າການທຳງານ, ຜູ້ເປັນໃຫຍ່ ແລະ ຮັບຜິດຊອບຫຼາຍກວ່າຕົນ, ຄົນຜູ້ມີຄວາມຮັບຜິດຊອບຫຼາຍ.

ຄຳນຳໜ້າຜູ້ຊາຍ ທີ່ມີອາຍຸພົ້ນກະສຽນແລ້ວຂຶ້ນໄປ ເອີ້ນ ນາຍ ເຊັ່ນ ນາຍສີ ນາຍສາ, ຜູ້ເປັນຫົວໜ້າງານ ເອີ້ນ ນາຍງານ, ຜູ້ຖືທ້າຍເຮືອ ເອີ້ນ: ນາຍທ້າຍ, ຜູ້ຈ້າງໃຫ້ທຳງານ ເອີ້ນ ນາຍຈ້າງ, ຜູ້ໃຫ້ທຶນມາຄ້າຂາຍ ຫຼື ປະກອບການງານຕ່າງໆ ເອີ້ນ: ນາຍທຶນ, ຜູ້ຄໍ້າປະກັນ ເອີ້ນ ນາຍປະກັນ, ຜູ້ເປັນຫົວໜ້າໃນການໄປຄ້າຂາຍ ເອີ້ນ ນາຍຮ້ອຍ.

ຍາຍ ເຊັ່ນ ປູ່ຍ່າຕານາຍ ຄຳວ່າ ນາຍ ປ່ຽນມາຈາກ ຍາຍນັ້ນເອງ.