ທາ

ເອົາຂອງຕ່າງໆລູບໃສເຮັດໃຫ້ຕິດກັນ ເຊັ່ນ ເອົາດິນໜຽວ ແກບ ແລະ ດິນຈອມປວກ ມາສົມເຂົ້າກັນ ແລ້ວເອົາໄປທາຍຸ້ງ ສຳລັບໃສ່ເຂົ້າເປືອກ ເປັນຕົ້ນ.

ຊື່ນົກແນວໜຶ່ງ ຂົນລາຍ ຂັນສຽງຫອງ ເອີ້ນ ນົກທາ, ນົກກະທາ ກໍວ່າ.

ຊື່ເຫັດແນວໜຶ່ງ ດອກນ້ອຍເກີດຕາມດິນ ເອີ້ນ: ເຫັດທາ.

ຊື່ເກືອແນວໜຶ່ງ ທີ່ໄດ້ຈາກການເອົານໍ້າໃສທີ່ໄດ້ຈາກການແຊ່ດິນເຄັມນັ້ນໄປຕົ້ມກັ່ນແລ້ວຈິ່ງໄດ້ເກືອນັ້ນອອກມາ ເອີ້ນເກືອນີ້ວ່າ: ເກືອທາ, ເກືອຂີ້ທາ ກໍວ່າ.