ທະນູ

ຊື່ດາວລືກອະນຸລາດ ຫຼື ດາວຫ່າວ, ດາວນີ້ອອກໃນເດືອນອ້າຍ.

ເຄື່ອງຕິດຫົວວ່າວແນວໜຶ່ງມີຄັນຄ້າຍທະນູ ໃບທະນູໃຊ້ຫວາຍ, ໃບລານ ໃບຕານ ຫຼື ໃບພ້າວກໍໄດ້, ຜູກປາຍທັງສອງຂ້າງດ້ວຍເຊືອກໄໝ່ຕິດໃສ່ຫົວວ່າວ ເມື່ອລົມພັດທະນູຈະມີສຽງດັງມ່ວນ ເອີ້ນ: ທະນູວ່າວ.

ຮູບງົວທີ່ປັ້ນດ້ວຍຂີ້ເຜິ້ງ ຫຼື ຫຼໍ່ຫຼອມດ້ວຍທອງ ເງິນ ຄຳ ກໍໄດ້ ແລ້ວເສກຄາຖາໃສ່ ເພື່ອໃຫ້ໄປທຳຮ້າຍແກ່ພວກຜີຮ້າຍຕ່າງໆ ຫຼືທຳຮ້າຍຜີປອບ ຫຼື ຄົນເປັນປອບ ເປັນຕົ້ນ ເອີ້ນ: ງົວທະນູ.

ລູກທະນູທີ່ເຮັດດ້ວຍດູກໄກ່ ໃຊ້ມີດເຫຼົາດູກໄກ້ໃຫ້ແຫຼມ ແລ້ວມັດຕິດກັບໄມ້ໄຜ່ ຍິງໄປຄືທະນູທຳມະດາ ບູຮານ ເອີ້ນ: ທະນູເຫມ.

ສາຍ ແລະ ລູກແຕ່ບໍ່ມີແມ່ທະນູ ເວລາຈະຍິງ ໃຊ້ມືຈັບສາຍກົ່ງຍິງໄປ ທະນູແນວນີ້ ເອີ້ນ: ທະນູໜ້າຈ້າງ.