ຕ້ອງ

ຕົ້ນໄມ້ຂະໜາດໃຫຍ່ແນວໜຶ່ງ ໝາກມົນກົມໃຫຍ່ທໍ່ໝາກກ້ຽງ ສຸກແລ້ວມີສີເຫຼືອງ ລົດສົ້ມ-ຫວານ ແລ້ວແຕ່ສາຍພັນ ເອີ້ນ: ຕົ້ນໝາກຕ້ອງ.

ເປັນກິລິຍານຸເຄາະ ບອກລັກສະນະຂອງກິລິຍາອື່ນໃຫ້ຮູ້ຄັກ ຫຼື ບັງຄັບ ດັ່ງ: ຕ້ອງໄປ, ຕ້ອງກິນ, ຕ້ອງໄດ້ເຮັດ ເຊັ່ນ: ໃນຂະນະທີ່ໂລກໂຄວິດ 19 ລະບາດນີ້ ທຸກຄົນຕ້ອງໄດ້ສັກຢາປ້ອງກັນ ເປັນຕົ້ນ.

ຄົນທີ່ຖືກຜີສິງ ເອີ້ນ: ຕ້ອງຜີ ຫຼື ຜີຕ້ອງ, ເທວະດາສິງ ເອີ້ນ: ຕ້ອງເທວະດາ, ຖືກຜີໄຮ່ຜີນາ ຜີປ່າດົງສິງ ເອີ້ນ: ຕ້ອງຜີ. ແປວ່າ ມີຜີສິງນັ້ນເອງ.

ປະສົບພົບພໍ້ ຫຼື ເຫັນຄົນທີ່ຖືກໂລກໄພໄຂ້ເຈັບ ເອີ້ນ: ຕ້ອງໂພຍ ຕ້ອງໄພ.