ຕົບ

ເອົາສອງຝ່າມືກະທົບໃສ່ກັນ, ສອງຝ່າມືຕໍາກັນ, ເອົາສິ່ງຂອງສອງອັນຕຳກັນ, ຕີດ້ວຍຝາມື ເອີ້ນ: ຕົບ ເຊັ່ນ: ເອົາມືຕີເຂົ້າກັນ ເອີ້ນ: ຕົບມື. ເອົາແສ່ງຕີກັນ ເອີ້ນ: ຕົບແສ່ງ ເປັນຕົ້ນ.

ເຮັດຄວາມສະອາດດ້ວຍນ້ຳ ເຊັ່ນ ຊັກຜ້າ ເອີ້ນ: ຕົບຜ້າ.

ຊື່ຜັກແນວໜຶ່ງເກີດຢູ່ຕາມໜອງ ຕາມບຶງ ດອກສີອິດ ກິນໄດ້. ມີສອງແນວ ຄື: ຜັກຕົບທຳມະດາ ແລະ ຕົບໂປ້ງ, ຜັກຕາໂປ້ງກໍວ່າ.

ກອງແນວໜຶ່ງ ຫຸ້ມໜ້າດຽວທາງກົ້ນຍາວເປັນຫາງ ເອີ້ນ: ກອງຕົບ, ກອງຫາງ ກໍວ່າ.

ໄກ່ຕີປີກ ເອີ້ນ: ໄກ່ຕົບປີກ.