ຕູ້

ຊື່ເງິນບູຮານຈໍາພວກໜຶ່ງ ມີລັກສະນະຄ້າຍຄືເງິນຮາງ ແຕ່ບໍ່ມີຮ່ອງ ຂອບບໍ່ສູງ ມີອັກສອນຈີນປະທັບມີ 4 ຂະໜາດ ຄື: ໜັກ 45 ບາດ, ໜັກ 41 ບາດ, ໜັກ 14 ບາດ, ໜັກ 12 ບາດ ເອີ້ນ: ເງິນຕູ້.

ເອີ້ນ ຜູ້ເຖົ້າຜູ້ແກ່ ຫຼື ພໍ່ ແລະ ແມ່ ຂອງແມ່ເຮົາ ວ່າ: ພໍ່ຕູ້ ແມ່ຕູ້.

ຊື່ນົກເຂົາແນວໜຶ່ງ ໂຕໃຫຍ່ກວ່ານົກເຂົາທຳມະດາ ເອີ້ນ ນົກເຂົາຕູ້.

ຊື່ຄວາຍທີ່ມີເຂົາສັ້ນ ແລະ ງໍລົງ ເອີ້ນ ຄວາຍຕູ້.

ຄົນບໍ່ສະຫຼາດ ເອີ້ນ ຄົນຕູ້, ປູ້ ກໍວ່າ.

ເຄື່ອງໃຊ້ປະຈໍາເຮືອນ ສໍາລັບໃສ່ສິ່ງຂອງມີເສື້ອຜ້າ, ເງິນ, ຄໍາ ແລະ ອື່ນໆເຮັດດ້ວຍໄມ້ຫຼື ໂລຫະ ເອີ້ນ: ຕູ້. ຕູ້ສໍາລັບໃສ່ໜັງສືຕ່າງໆ ເຊັ່ນ ໜັງສືພະໄຕປີດົກ ເປັນຕົ້ນ.