ຕາ

ອະໄວຍະວະສ່ວນໜຶ່ງຂອງຄົນ ແລະ ສັດ ທີ່ໃຊ້ໄວ້ເບິ່ງສິ່ງຂອງຕ່າງໆ ເອີ້ນ: ຕາ.

ຕຸ່ມທີ່ປົ່ງອອກຈາກຕົ້ນໄມ້ ຫຼື ພືດພັນທັນຍາຫານ, ທີ່ແຕກໜໍ່ ຫຼື ງ່າ ເອີ້ນ ຕາໄມ້ ເຊັ່ນ ຕາໄມ້ມ່ວງ, ຕາໄມ້ໄຜ່, ຕາໄມ້ເຮ້ຍ, ເປັນຕົ້ນ.

ເຄື່ອງໝາຍສຳຄັນຢ່າງໜຶ່ງ ເປັນວົງມົນ, ສີ່ລ່ຽມ, ຫົກລ່ຽມ ຫຼື ແປດລ່ຽມກໍມີ ສໍາລັບຈໍ້າ ລົງ ຫຼື ປະທັບລົງໜ້າໜັງສືທີ່ສໍາຄັນຕ່າງໆ ເອີ້ນ ຕາປະທັບ, ກາປະທັບ, ກາຈໍ້າ ກໍວ່າ.

ເປັນເຄື່ອງໝາຍປະຈຳ. (ສ່ວນຫຼາຍອອກສຽງເປັນກາ).

ພໍ່ຂອງແມ່ ຫຼື ນ້ອງຊາຍຝ່າຍພໍ່ຂອງແມ່ ເອີ້ນວ່າ: ຕາ (ພໍ່ຕາ). ຜູ້ຊາຍອາຍຸ ແກ່ທີ່ບວດ ເປັນພະຢູ່ວັດ ເອີ້ນ: ຫຼວງຕາ. ບາງເທື່ອ ກໍສາມາດນໍາໃຊ້ກັບຜູ້ຊາຍເຖົ້າທົ່ວໄປ ເຊັ່ນ: ຕາສີ ຕາສາ ຕາແກ້ວ.