ດ້ວງ

ຊື່ເງິນບູຮານຊະນິດໜຶ່ງ ມີຮູບກົມຄ້າຍໝາກຄໍ້ ເອີ້ນ: ເງິນດ້ວງ, ເງິນໝາກຄໍ້ ກໍວ່າ.

ຊື່ແມງປີກແຂງຊະນິດໜຶ່ງ ມັກກິນໃບອ່ອນ ຫຼື ຍອດອ່ອນຂອງໝາກພ້າວເປັນອາຫານ ເອີ້ນ: ແມງດ້ວງ ຫຼື ດ້ວງພ້າວ.

ຊື່ລູກອ່ອນຂອງແມງໄມ້ທີ່ຢູ່ຕາມໂກນໄມ້ ຫຼື ໃນດິນ, ແມງແນວໜຶ່ງ ສີຂາວ ແລະ ອ່ອນມີຢູ່ຕາມໄມ້ຜຸ ຕາມດິນ, ຕາມຄອກຄວາຍ ເຊັ່ນ: ດ້ວງຈຸດຈີ່, ດ້ວງກ້ວຍ, ດ້ວງງິ້ວ.

ຊື່ຄຳຂາວ ເອີ້ນ ທອງດ້ວງ. ຄົນຜິວຂາວ ເອີ້ນ: ຂາວປານດ້ວງ.

ຊື່ຊໍຊະນິດໜຶ່ງ ຮູບຄ້າຍຕົວດ້ວງ ເອີ້ນ: ຊໍດ້ວງ.