ຍາງ

ຊື່ໄມ້ແນວໜຶ່ງ ເປັນໄມ້ເນື້ອອ່ອນຂະໜາດໃຫຍ່ ໃຊ້ເຮັດເຄື່ອງເຮືອນ ແລະ ເຄື່ອງໃຊ້ ຕ່າງໆ, ຢາງຂອງໄມ້ຍາງ ເອີ້ນ: ນ້ຳມັນຍາງ, ໃຊ້ເຮັດກະບອງໄຕ້ໄດ້ ເອີ້ນ: ກະບອງຂີ້ຍາງ, ໃຊ້ປະສົມຂີ້ຊີທາເຮືອ ເອີ້ນ: ນ້ຳມັນຍາງ.

ຊື່ນົກພວກໜຶ່ງຂົນສີຂາວ ສົບແຫຼມ ຂາຍາວ ເປັນນົກກິນປາ ເອີ້ນ ນົກຍາງ ມີຫຼາຍແນວ ຄື ນົກຍາງກັອກ, ນົກຍາງໂທນ.

ເຄື່ອງສານຂັດເປັນຕາຫ່າງໆ ສຳລັບໃສ່ສັດຈຳພວກ ເປັດ, ໄກ່, ນົກເປັນຕົ້ນ ເອີ້ນ ຍາງເປັດ ຍາງໄກ່. ຢູ່ທາງພາກໃຕ້ຂອງລາວ ໃຊ້ໄມ້ແປ້ນຕອກຕາປູ ເຮັດຄືຫີບໃຫຍ່ ສຳລັບຂັງປາ ເອີ້ນ ຍາງປາ.

ຊື່ຄົນຊາວພູດອຍພວກໜຶ່ງ ຢູ່ໃນປະເທດພະມ້າ (ມຽນມ້າ) ພາກເໜືອ ແລະ ຢູ່ທາງ ເໜືອຂອງປະເທດໄທ ເອີ້ນ ໄທຍາງ.

ໂລກພະຍາດແນວໜຶ່ງຂອງສັດປີກ ເຊັ່ນ ໄກ່ ເວລາມັັນຖ່າຍອອກມາຈະເປັນສີຂາວສາມາດເຮັດໃຫ້ໄກ່ຕາຍໄດ້ເອີ້ນ ໄກ່ຂີ້ຍາງ.