ຍັກ

ເຊັ່ນ ເອົາເຊືອກຜູກຄໍ ເອີ້ນ ຍັກຄໍ, ຜູກຂາ ເອີ້ນ ຍັກຂາ.

ເອົາບ້ວງທີ່ຮູດໄດ້ຄ້ອງແລ້ວດຶງຮັດເຂົ້າ ເຊັ່ນ ຍັກເຄົາເບັດ ເປັນຕົ້ນ.

ກັກເອົາໄວ້ເປັນສ່ວນຂອງຕົນ ເຊັ່ນ ຍັກໄວ້ພູດໜຶ່ງ.

ສໍ້ລາດບັງຫຼວງ ເອີ້ນວ່າ : ຍັກຍອກ.

ຊິດຂຶ້ນ ເຊັ່ນ ຍັກເບັດ ເປັນຕົ້ນ.

ຕົວລະຄອນຜູ້ຮ້າຍໃນນິທານວັນນະຄະດີບູຮານ ຊຶ່ງມີຕົວຕົນຄ້າຍຄືມະນຸດ ແຕ່ຕົວໃຫຍ່ກວ່າ ຜິວພັນດຳ ຜົມຫຍອງ ແຂ້ວໃຫຍ່ ມີລິດເດດ ແປງເພດ ເຫາະເຫີນໄດ້ ແລະ ມັກກິນຄົນ ແລະ ສັດດິບ.