ຊ້າ

ເຄື່ອງສານສຳລັບໃສ່ຂອງ ມີຫຼາຍຢ່າງ ເຊັ່ນ: ຊ້າຈັງຫັນສານຫ່າງ ມີສາຍຫາບ ສຳລັບໃສ່ຖ້ວຍອາຫານເອົາໄປວັດ ໄປຈັງຫັນ ໄປເພນ ເຄນຄູບາ(ພະສົງ). ຊ້າທີ່ສານດ້ວຍຕອກໄມ້ ໄຜ່ ມີຫູສອງຂ້າງໃຊ້ໃສ່ເຄື່ອງຕ່າງໆ. ຊ້ານ້ຳກ້ຽງສານຕອກແລບ ແລະ ຕຶບແລ້ວທານ້ຳກ້ຽງ ສຳລັບໃສ່ຢາສູບ ຫຼື ໝາກພູ ເປັນຕົ້ນ ກະຊ້າໝາກ ກໍວ່າ ຢ່າງວ່າ "ຈວງຈັນຫຼ້າງຂອງແພງທາງເທດ ສັງຊິມາຄວ່າຫ້ອຍ ຫູກະຊ້າທ່ຽວຂາຍ".

ເຊື້ອແນວ ເຊັ່ນ ຊ້າພູແມ່ນແນວພູ ຕົ້ນໄຟເດືອນຫ້າ ເກີດຕາມຄັນນາ ລັກສະນະຄືຕົ້ນຜັກຫອມເປ ເອີ້ນ ຊ້າໄຟເດືອນຫ້າ, ກະຊ້າໄຟເດືອນຫ້າ ກໍວ່າ.

ເປືອກ ຫຼື ກາບເຫັດເຜາະ ທີ່ແຫ້ງກະແດ້ງຍ້ອນແກ່ ແລະ ບໍ່ມີໃຜເກັບເອົາໄປກິນ ເອີ້ນ ຊ້າເຫັດເຜາະ ກະຊ້າເຫັດເຜາະ ກໍວ່າ.

ໂງ່ ຕົວຢ່າງ: ເຮັດຊ້າໆ ບໍ່ວ່ອງບໍ່ໄວ.

ຊາກຄົນຕາຍ ເອີ້ນ ຊ້າ ຢ່າງວ່າ "ນາງນັ່ງເຝົ້າ ຂອນຊ້າຊາກຜົວ.

ບ່ອນຈູດ ຫຼື ບ່ອນຝັງຄົນທີ່ຕາຍໄປແລ້ວ ເອີ້ນວ່າ ປ່າຊ້າ, ຜີປ່າຊ້າ ກໍວ່າ.