ຈຽງ

ຊື່ຂອງເດືຶອນທີໜຶ່ງຂອງປີ ຕາມທາງຈັນທະລະຄະຕິ ໃນສິບສອງເດືອນຂອງປີລາວ ຊຶ່ງເປັນການຖືມາແຕ່ບູຮານນະການ ຊື່ ເດືອນຈຽງ ຫຼື ເດືອນອ້າຍ.

ຊື່ພາກໄມ້ພັນໜຶ່ງ ມັກຈັບຢູ່ຕາມຕົ້ນໄມ້ໃຫຍ່ ຫຼື ເປັນພາກໄມ້ກໍແມ່ນ ມີດອກງາມຫອມ ເອີ້ນ ດອກຈຽງ, ຈຽງລົມ ຫຼື ກຽງ, ກຽງລົມ ກໍວ່າ.

ແວ້ຕິດກົ້ນລູກໜ້າ ສຳລັບຍິງໃຫ້ລູກໄປທ່ຽງ ເອີ້ນ ຈຽງລູກໜ້າ.

ເຄື່ອງໃຊ້ສຳລັບເກັບໄໝ ເພື່ອເອົາໄປປັ່ນໃສ່ຫຼອດ ຫຼື ຄຶບກັນເຂົ້າ ເອີ້ນ ຈຽງ.

ໜັງສືຜູກທີ່ຂຽນໃສ່ຕິວໄມ້ໄຜ່ ເປັນຄຳກອນເວົ້າແຕ່ຄວາມເພີ, ເລື່ອງລາມົກ ກາມະຄຸນ ສ່ວນຫຼາຍໃຊ້ອ່ານຍາມບູນບັ້ງໄຟ ເອີ້ນ ຄຳພີຈຽງ ຫຼື ໜັງສືເຈືອງ ກໍວ່າ.

ເຄື່ອງມືຂອງຊ່າງກໍ່ ເປັນຮູບ 3 ແຈ ເຮັດດ້ວຍແຜ່ນເຫຼັກ ໃຊ້ຕັກປູນປະທາຍເວລາກໍ່ ຫຼື ໂບກຝາ.

ຊື່ຂອງນິທານລາວ ເລື່ອງໜຶ່ງໃນຈຳປາສັກ ພາກໃຕ້ຂອງປະເທດລາວ ຊື່ເລື່ອງ ທ້າວບາຈຽງ ແລະນາງມະໂລງ.