ຈົກ

ເອົາມືແຫຍ່ເຂົ້າໄປໃນບ່ອນເປັນຮູ ຫຼື ເປັນປ່ອງ, ເອົາມືຍັດ ເຂົ້າໄປໃນຖົງ ເອີ້ນ ຈົກຖົງ, ເອົາມືເດ່ເຂົ້າຕາ ເອີ້ນ ຈົກຕາ, ເອົາມືລ່ວງເຂົ້າໃນໄຫປາແດກ ເອີ້ນ ຈົກປາແດກ.

ເຄຶ່ອງມືຂອງຊາວນາແນວໜຶ່ງ ທີ່ເຮັດດ້ວຍເຫຼັກແລະມີຄັນໄມ້ດ້າມຍາວຕາມທາງນອນ ເພື່ອໃຊ້ຂຸດດິນ ຫຼືຂຸດຄົ້ນສິ່ງຕ່າງໆ ເອີ້ນ ໝາກຈົກ.

ຊື່ຊົນຊາດໜຶ່ງ ເອີ້ນ ລາວຈົກ ຫຼື ລາວຈັກກະລາດ ຕາມພົງສາວະດານໂຍນົກກ່າວວ່າ ລາວຈົກ ເປັນຕົ້ນຕະກຸນຂອງຂຸນເຈືອງ ລຳດັບມາຈົນເຖິງພະຍາເມັງລາຍ ຜູ້ສ້າງນະຄອນຊຽງໃໝ່ ບາງທ່ານກໍວ່າ ເປັນພວກອົບພະຍົບມາຈາກ ແຄວ້ນຈົກ ໃນປະເທດຈີນ.