ຈະຕຸລະວັນນະ

ສີ່ວັນນະ ຫຼື ສີ່ສະກຸນໄດ້ແກ່ຊັ້ນຄົນ ໃນອິນເດຍບູຮານ ຄື: 1. ວັນນະຂາວ ໄດ້ແກ່ພາມເປັນຈຳພວກປະກອບ ພິທີທາງສາສະໜາພາມ ຖືວ່າພວກຕົນເກີດຈາກປາກພະພົມຜູ້ສ້າງໂລກ ພວກພາມຈຶ່ງເປັນເຈົ້າຂອງຄຳພີ. 2. ວັນນະແດງ ໄດ້ແກ່ກະສັດເປັນພວກເຈົ້າ ມີ ໜ້າທີ່ີຮັກສາບ້ານເມືອງ ກະສັດຖືວ່າພວກຕົນເກີດຈາກແຂນຂອງພະພົມ ສະນັ້ນ ພາມກັບກະສັດຈຶ່ງເປັນພວກສູງ. 3. ວັນນະເຫຼືອງ ໄດ້ແກ່ໄວສະຍະ ຫຼື ພວກແພດ ຖືວ່າ ເກີດຈາກຕັກພະພົມ. 4. ວັນນະດຳ ໄດ້ແກ່ພວກສູດ ເປັນພວກລູກຈ້າງ ມີໜ້າທີ່ຮັບຈ້າງເຮັດວຽກ, ພວກສູດນີ້ ຖືວ່າເກີດມາຈາກປາຍຕີນຂອງພະພົມ ຈຶ່ງເປັນຄົນຊັ້ນຕ່ຳທີ່ສຸດ ໃນຄຳພີີພະເວດ ຈຶ່ງຫ້າມບໍ່ໃຫ້ພວກສູດຮຽນຮູ້ພະເວດໄດ້.