ງູ

ຊື່ຫວ້ານແນວໜຶ່ງ ເອີ້ນ ຫວ້ານງູ ໃຊ້ຕຳ ປະສົມເຫຼົ້າ ໂພະປາກບາດ ທີ່ງູກັດ ເຮັດໃຫ້ ພິດງູຫາຍໄປຢ່າງໄວວາ.

ສັດເລືອຄານ ປະເພດບໍ່ມີຕີນ ຕົນໂຕກົມຍາວ ໄປດ້ວຍການເລືອ ໂດຍໃຊ້ຫາງຟັດໄປຟັດມາ ເພື່ອດັນໃຫ້ໂຕພຸ່ງໄປ. ງູແບ່ງເປັນສອງຈຳພວກ ຄື ພວກງູມີພິດ ແລະ ບໍ່ມີພິດ. ຈຳພວກມີພິດແມ່ນ: ງູຈົງອາງ, ງູເຫົ່າ, ງູທຳທານ, ງູເພົາກະບາ, ງູສາງຮ່າ, ງູຫຼັກຄວາຍ, ງູງ້ວງກາງດົງ, ງູຂຽວຫາງແຫ້ມ, ງູຄ່ວງຄ້ອນ, ງູກ່ອມນາງນອນ. ຈຳພວກທີ່ບໍ່ມີພິດ ແມ່ນ: ງູເຫຼືອມ, ງູສາ, ງູສິງ, ງູປາ, ງູສິງເສື້ອ, ສິງດົງ, ສິງປວກ, ງູລາກເຊືອກ, ງູງວງຊ້າງ ເປັນຕົ້ນ.