ງິ້ວ

ຕົ້ນໄມ້ປະເພດໜຶ່ງ ລໍາຕົ້ນບໍ່ມີແກ່ນ, ດ້ານໃນຂອງໜ່ວຍມີນຸ່ນສີຂາວເປັນຟອງເບົາໆ ສຳລັບໃຊ້ຍັດເສື່ອ ຍັດໝອນ. ງິ້ວມີຫຼາຍແນວ ຄື: ງິ້ວຂາວ ຫຼື ງິ້ວຕ່ອງຕ້ອນ, ຕົ້ນບໍ່ມີໜາມ ລຳຕົ້ນສີຂຽວ ງິ້ວບ້ານ ກໍເອີ້ນ. ງິ້ວປ່າ ຫຼື ງິ້ວໜາມ ເປັນຕົ້ນໄມ້ຂະໜາດໃຫຍ່ ດອກສີແດງ ຕາມຕົ້ນໄມ້ມີໜາມ. ງິ້ວຜາ​ ເປັນຕົ້ນງິ້ວປ່າຄ້າຍຄື ງິ້ວໜາມ.

ການຫຼິ້ນ ຫຼື ການສະແດງມະໂຫລະສົບຢ່າງໜຶ່ງຂອງຄົນຈີນ ຄ້າຍຄືກັນກັບການສະ ແດງ ອີ່ເກຂອງໄທ ແລະ ລໍາເລື່ອງຂອງລາວ ເອີ້ນ ຫຼິ້ນງິ້ວ.