ຄາມ

ຊື່ຂອງຕົ້ນໄມ້ ແລະພືດຊະນິດໜຶ່ງ ທີ່ປູກແລະເກີດຢູ່ໃນດິນແດນມູນເຊຶ້ອເຂົ້າໜຽວ ເອີ້ນຕົ້ນຄາມ ຫຼືຕົ້ນສະຄາມ. ຕົ້ນສະຄາມ ມີ 2 ຊະນິດ ຄື: ກ. ໄມ້ສະຄາມໃຫຍ່ ສາມາດເລື່ອຍເຮັດໄມ້ເຮືອນໄດ້, ຂ. ໄມ້ສະຄາມນ້ອຍສາມາດເອົາມາເຮັດສີ ຍ້ອມຜ້າແພ. ຕົ້ນຄາມນ້ອຍນີ້ ໃບມົນຮີ ເອົາມາແຊ່ນໍ້າໄວ້ຈະໄດ້ສີຟ້າແກ່ ເອີ້ນ: ນໍ້າຄາມ. ນໍ້າຄາມນີ້ສາມາດເອົາຍ້ອມຜ້າຂາວໃຫ້ປ່ຽນເປັນສີຄາມໄດ້.

ປະເຊີນໜ້າໂດຍບໍ່ໄດ້ຄິດບໍ່ໄດ້ຝັນມາກ່ອນ ເຮັດໃຫ້ຕົນເອງຕົກໃຈ ເອີ້ນ: ຄາມ ຫຼືຄຸງຕາແຈ.

ສິ່ງຂອງມີຫຼາຍ ເອີ້ນ ຄາມ, ໂທດຫຼາຍເອີ້ນ ໂທດຄາມ.