ຂຶ້ນ

ຂ້າງຂຶ້ນ ເຊັ່ນ ວັນຂຶ້ນໜຶ່ງຄໍ່າ, ຂຶ້ນສອງ ຄໍ່າ​. ເອີ້ນ ຂ້າງຂຶ້ນ.

ເຄື່ອນຈາກບ່ອນຕ່ຳໄປສູ່ບ່ອນສູງໄປທາງ ເໜືອ, ຫຍັບໄປຂ້າງໜ້າ, ຕັ້ງຕົ້ນ, ຈົດເຂົ້າບັນຊີ (ຂຶ້ນທະບຽນ).

ກົ່ງໜ້າໝາຍຈະຍິງ ເອີ້ນ ຂຶ້ນໜ້າ.

ກ້າກໍາລັງປົ່ງ ເອີ້ນ ກ້າກໍາລັງຂຶ້ນ, ກ້າພວມຂຶ້ນ ກໍວ່າ.

ຕັ້ງໃຈຮຽນໜັງສື ເອີ້ນ ຂຶ້ນໃຈຮຽນໜັງສື.

ນໍາເຄື່ອງສັກກາລະ ມີດອກໄມ້ທູບທຽນເປັນຕົ້ນ ມາຍົກຄູເພື່ອຮຽນສິລະປະສາດ ເອີ້ນ ຂຶ້ນຄູ, ຂຶ້ນຄາຍ ກໍວ່າ.

ຕົ້ນໄມ້ຮາກຟູຂຶ້ນຈາກດິນ ເອີ້ນ ຂຶ້ນໂຄນ ຮາກໄມ້ຂຶ້ນໂຄນ.

ຊື່ຂະໝິ້ນແນວໜຶ່ງ ມີຫົວພົ້ນຂຶ້ນຈາກດິນ ເອີ້ນ ຂະໝິ້ນຂຶ້ນ, ເຂົ້າໝິ້ນຂຶ້ນ, ຂີ້ໝິ້ນຂຶ້ນ ກໍວ່າ.