ຂັດ

ຊື່ລາຍຊະນິດໜຶ່ງ ໃຊ້ຕອກໄມ້ໄຜ່ສານຂັດກັນ ຍົກຂຶ້ນເສັ້ນໜຶ່ງ ຂ້າມເສັ້ນໜຶ່ງ ເອີ້ນ ສານລາຍຂັດ.

ອາການຂັດທ້າຍເຮືອ ໃຫ້ໄປຊື່ ເອີ້ນ ຂັດເຮືອ.

ບໍ່ເຮັດຕາມ ເອີ້ນວ່າ: ຂັດ ເຊັ່ນ ຫ້າມບໍ່ໃຫ້ເຮັດ ເອີ້ນ ຂັດຂວາງ, ບໍ່ ໃຫ້ຄວາມສະດວກ ເອີ້ນ ຂັດຂ້ອງ, ບໍ່ຍອມເຮັດຕາມ ເອີ້ນ ຂັດແຂງ, ບໍ່ເຫັນດີນໍາ ເອີ້ນ ຂັດຄໍ, ບໍ່ພໍໃຈ ຫຼື ຜິດໃຈ ເອີ້ນ ຂັດເຄືອງ. ສະໜັບສະໜູນໃຫ້ເຮັດ ເອີ້ນ ຂັດທ້າຍ, ບໍ່ຮ່ວມວົງກິນອາຫານ ເອີ້ນ ຂັດພາເຂົ້າ, ຫຼິ້ນເລ່ລ່ຽມ ເອີ້ນ ຂັດວາດ, ຂັດຊົງ.