ຂອດ

ຊື່ນົກແນວໜຶ່ງ ຕົວນ້ອຍທໍ່ນົກຈອກຟ້າ ຫາກິນແມງໄມ້ ແລະ ໝາກໄມ້, ຫົວຂອດໆ ເອີ້ນ ນົກຂອດ.

ລູກຫຼ້າ ເອີ້ນ ລູກຂອດທ້ອງ.

ຄົນໝົດກໍາລັງ ເອີ້ນ ຂອດແຮງ, ຫອດແຮງ ກໍວ່າ.

ນໍ້າເກືອບໝົດອຸໝົດແອ່ງ ເອີ້ນ ນໍ້າຂອດອຸຂອດແອ່ງ, ຂອດໄຫ ກໍວ່າ.

ການສະແດງຄວາມອາໄລໃຍຫ່ວງ ເອີ້ນ ຂອດ.

ຄົນທີ່ຜູກຜົມເປັນຈຸກໄວ້ຈອມຫົວ ຫຼື ເທິງຫົວ ເອີ້ນ ຂອດເກົ້າ.

ຂໍໄປນໍາ ເອີ້ນ ຂອດຕາມ; ຂໍຕາຍນໍາ ເອີ້ນ ຂໍຂອດຕາຍ.