ຂອງ

ຊື່ແມ່ນໍ້າສາຍໜຶ່ງ ແຕ່ກ່ອນໄຫຼຜ່າໃຈກາງ ປະເທດລາວ ຕັ້ງແຕ່ຫົວຂອງຈົນເຖິງຫຼີ່ຜີ. ດຽວນີ້ບາງບ່ອນແບ່ງເຂດປະເທດລາວ ແລະ ພາກອີສານຂອງປະເທດໄທ ເອີ້ນ ແມ່ນໍ້າຂອງ, ໄທ ເອີ້ນ ແມ່ນໍ້າໂຂງ ກໍວ່າ.

ໝາຍເຖິງວັດຖຸເຄື່ອງຂອງຕ່າງໆ ມີທັງເຄື່ອງໃຊ້ ແລະ ເຄື່ອງກິນ. ເຄື່ອງຂອງກິນ ເອີ້ນ ເຄື່ອງບໍລິໂພກ, ເຄື່ອງຂອງໃຊ້ ເອີ້ນ ເຄື່ອງອຸປະໂພກ.

ສິ່ງທີ່ເປັນນາມະທໍາ ບໍ່ມີຕົວຕົນໃຫ້ແນມເຫັນໄດ້ ແຕ່ມີຢູ່ໃນສັງຄົມທົ່ວໄປ ຫຼື ມີຢູ່ໃນຈິດໃຈ ເຊັ່ນ ຄວາມຊົ່ວ, ຄວາມດີ, ຄວາມງາມ, ຄວາມເປັນລະບຽບ, ຄວາມສຸຂຸມ, ຄວາມຫຍາບ, ຄວາມລະອຽດ ສິ່ງເຫຼົ່ານີ້ ເອີ້ນ ຂອງເປັນຝ່າຍດີ ເອີ້ນ ຂອງດີ, ເປັນຝ່າຍຊົ່ວ ເອີ້ນ ຂອງຊົ່ວ.