ກໍາແພງ

ເຄື່ອງຕັນທີ່ກໍ່ດ້ວຍດິນຈີ່ ຫຼື ຫີນ ສຳລັບລ້ອມບ້ານ ເອີ້ນ ກໍາແພງບ້ານ, ລ້ອມວັດ ເອີ້ນ ກໍາແພງວັດ, ລ້ອມເມືອງ ເອີ້ນ ກໍາແພງເມືອງ.

ຊື່ຫວ້ານແນວໜຶ່ງສີຂາວ ໃບຄ້າຍຄືໃບໝາກຜູ້, ລຳ ແລະ ໃບສີຂຽວມີລາຍ, ຫົວຂອງມັນມີກິ່ນຫອມ ໃຊ້ປ້ອງກັນແຂ້ວ, ເຂົາ, ເລັບ, ງາ ເອີ້ນ: ຫວ້ານກໍາແພງຂາວ.

ຊື່ພັນໄມ້ແນວໜຶ່ງ ແກ່ນເປັນຊັ້ນໆ ຄືຕົ້ນຕາໄກ້ ໃຊ້ສຳລັບເຮັດຢາ ເອີ້ນ ກໍາແພງເຈັດຊັ້ນ.

ຊືີ່ຫວ້ານແນວໜຶ່ງ ຄ້າຍຫວ້ານກໍາແພງຂາວເວລາອອກໃບທໍາອິດ ຫຼັງຂອງໃບສີແດງຄືນໍ້າຄັ່ງ ຕໍ່ໄປຂອບຫຼັງຂອງໃບສີຂຽວ ກາງໃບສີແດງອ່ອນ ລຳຕົ້ນ ແລະ ກ້ານສີແດງ ຫົວມີກິ່ນຫອມ ຮາກເປັນຕຸ່ມຕິດຫົວ ໃຊ້ປ້ອງກັນຜີ ປ້ອງກັນທອບໜັງບັງຟັນ ແລະ ຄົນໃສ່ຄົນລອງ ແກ້ ແລະ ກັນເຄື່ອງລາງຂອງຂັງຕ່າງໆໄດ້ ເອີ້ນ ຫວ້ານກໍາແພງເຈັດຊັ້ນ.

ຊື່ຄາຖາຢ່າງໜຶ່ງ ໃຊ້ປ້ອງກັນ ຜີປອບ, ຜີໂພງ, ຜີພາຍ ສາລະພັດ. ສັດຕູທີ່ຈະມາທໍາຮ້າຍ ເອີ້ນ: ຄາຖາກໍາແພງແກ້ວເຈັດຊັ້ນ.