ກໍາ

ບາບຄືການເຮັດ ຄວາມຊົ່ວ. ບຸນບາບ ຕິດຕາມຜູ້ເຮັດຜູ້ທໍາ ໃຫ້ໄດ້ ຮັບຄວາມດີ ຄວາມຊົ່ວ ເອີ້ນ ກໍາ.

ເຄາະ ຄືສິ່ງທີ່ບໍ່ສົມຫວັງ ເອີ້ນ ກໍາ, ກຳເວນ.

ຜົນຂອງຄວາມດີ ຫຼື ຄວາມຊົ່ວທີ່ຕົນເຮັດໄວ້ ທໍາໄວ້ໃນອະດີດ ຕາມມາໃຫ້ຜົນ ເອີ້ນວ່າກໍາ.

ຄົນຕາຍ ເອີ້ນ ເຖິງແກ່ກໍາ.

ຊີກກົງກວຽນ ເອີ້ນ ກໍາກວຽນ.

ລຳໄມ້ຊາງ ຫຼື ໄມ້ໄລ່ ເອົາມາລົນໄຟເບັດໃຫ້ກ່ອງ ແລ້ວເຈາະຮູ ເພື່ອເອົາມາດູດເຫຼົ້າໄຫເອີ້ນ ກໍາເຫຼົ້າ.

ລັກສະນະບອກສິ່ງຂອງ ເຊັ່ນ ໜຶ່ງກໍາ, ສອງກໍາ, ສາມກໍາ..

ງໍນິ້ວມືເຂົ້າຈຸອົ້ງມື ເອີ້ນ ກໍາ, ກໍາເຕັມມືພໍດີ ເອີ້ນ ກໍາຄັດ, ກໍາເຕັມມືແຕ່ບໍ່ຮອບ ເອີ້ນ ກໍາງ້າງ, ກໍາບໍ່ຫຸ້ມ ຂາດຢູ່ ປະມານສອງນິ້ວມື ເອີ້ນ ກໍາລາ, ກໍາຍະ ກໍວ່າ.