ກ້າວ

ຊື່ພັນໄມ້ແນວໜຶ່ງ ເອົາມາແຊ່ນໍ້າເຮັດປໍ ເອີ້ນ ຕົ້ນກ້າວ, ຊື່ປໍ ເອີ້ນ ປໍກ້າວ.

ລັກສະນະນາມ ເຊັ່ນ ຍົກຂາຍ່າງບາດໜຶ່ງ ເອີ້ນ ກ້າວໜຶ່ງ, ສອງບາດ ເອີ້ນ ສອງກ້າວ ສາມກ້າວ.

ຜ່າເຜີຍ ໃຊ້ຄວບກັບຄໍາວ່າ ກ່ອງ ເອີ້ນ ກ່ອງກ້າວ.

ຂັນເຂົ້າ ເຊັ່ນ ເອົາຕອກຊະເນາະ ຂັນມັດແພໄມ້ໄຜ່, ໄມ້ເຮ້ຍໃຫ້ແໜ້ນ ເອີ້ນ ກ້າວ, ຖ້າມັດຂອງນ້ອຍໆ ເຊັ່ນ ມັດກ້າ, ມັດເຟືອງ ເອີ້ນ ກິ້ວ.

ໝູຜູ້ຕົວທີ່ຍັງບໍ່ທັນຕອນ ເອີ້ນ ໝູກ້າວ, ຖ້າຕອນແລ້ວ ເອີ້ນ ໝູຕອນ.