ກ່ອງ

ພາຊະນະທີ່ສານດ້ວຍໄມ້ໄຜ່ ມີຝາອັດ ເປັນຮູບກົມ ປາກກວ້າງໜ້ອຍໜຶ່ງ ກົ້ນຮອມ ມີຕີນເປັນຮູບຕີນກາ ສຳລັບໃສ່ເຂົ້າໜຶ້ງ ເອີ້ນ ກ່ອງເຂົ້າ. ຖ້າກ່ອງໃຫຍ່ ເອີ້ນ ກ່ອງເຂົ້າໂປ້.

ຊື່ຕຸ້ມຊະນິດໜຶ່ງ ສານດ້ວຍໄມ້ໄຜ່ສຳລັບຮອງຮັບປາທີ່ກົ້ນຕ້ອນ ກົ້ນລີ່ ເອີ້ນ ຕຸ້ມກ່ອງ.

ງາມ ຜູ້ທີ່ມີຮູບຮ່າງສວຍງາມ ເອີ້ິ້ນ ກ່ອງ.

ການຈັບປານ້ອຍໆຊະນິດໜຶ່ງ ເຊັ່ນ: ປາໝັດ, ປາຊິວ, ປາແກ້ວ ໂດຍໃຊ້ຜ້າບາງໆ, ຜ້າຊະນິດນີ້ ເອີ້ນ ຜ້າແຍ່ງ ເອົາໄປກາງໄວ້ຕາມຮ່ອງນໍ້າໄຫຼ ໃນເວລານໍ້າບົກປາຍລະດູຝົນ ເອີ້ນ ກ່ອງປາ, ຫຼື ກ່ອງເອົາປາ.

ຮາກອອກ ເຊັ່ນ ຮາກເລືອດອອກ ເອີ້ນ ກ່ອງເລືອດ ຫຼື ເລືອດກ່ອງ ກໍວ່າ.

ຄິ້ວທີ່ມີລັກສະນະກົ່ງ ຫຼື ໂຄ້ງ ເອີ້ນ ຄິ້ວກ່ອງ.

ເອົາມືເດ່ຈັບງ່າໄມ້ ເພື່ອດຶງລົງມາ ເອີ້ນວ່າ: ກ່ອງລົງເພື່ອປິດເອົາໝາກ.

ຊື່ຕົ້ນໄມ້ຊະນິດໜຶ່ງ ມີໝາກກິນໄດ້, ເອີ້ນ ຕົ້ນໝາກກ່ອງ ມີຫຼາຍຢູ່ທາງພາກໃຕ້ລາວ.