ກຽງ

ພັນໄມ້ຊະນິດໜຶ່ງ ມີໝາກກິນໄດ້ ໃບກ້ຽງໃຫຍ່ ໝາກສີຊົມພູ (ສີບົວແດງ), ເອີ້ນວ່າ ໝາກກຽງ.

ຫຍ້າທຸກຊະນິດ ບູຮານເອີ້ນ ກຽງ.

ດອກໄມ້ປ່າຫຼາຍຊະນິດທີ່ມີສີສັນຕ່າງກັນ. ມັກເກີດຢູ່ຕາມງ່າຂອງຕົ້ນໄມ້ ມີກິ່ນຫອມ. ມີຊື່ເອີ້ນຕ່າງກັນ ເຊັ່ນວ່າ: ດອກ ກຽງ, ດອກກັບແກ້, ດອກກຽງລົມ, ຈຽງລົມ ກໍວ່າ.

ເຄື່ອງເຮັດໃຫ້ລູກໜ້າໄປທ່ຽງດີ ເຊິ່ງນາຍ ພານເອົາຄຽນຕິດໃສ່ກົ້ນລູກໜ້າ ເອີ້ນ ກຽງໜ້າ ຫຼື ຈຽງໜ້າ ກໍວ່າ.

ເຄື່ອງມືສຳລັບໃຊ້ໃນການໂບກປູນ, ໂບກປະທາຍ ເອີ້ນ ກຽງ, ຈຽງກໍວ່າ.