ກາ

ກາ ແມ່ນຊື່ນົກຊະນິດໜຶ່ງ ສີດຳລ້ວນ ສຽງຮ້ອງ ກາໆ ເອີ້ນ ກາ.

ເລກສິບ (x) ພາສາໂຣແມງ. ທີ່ເປັນຕົວທ້າຍຂອງຈຸລະສັກກະຫຼາດ ກົງກັບຄໍາວ່າ ສຳລິດທິສົກ ໃຊ້ນໍາໜ້າປີ ເຊັ່ນ ປີຊວດ ສຳລິດທິສົກ ເອີ້ນ ກາໃຈ້.

ຊື່ພາຊະນະສຳລັບໃສ່ນໍ້າດື່ມ, ຫຼື ສຳລັບຕົ້ມ. ມີງວງສຳລັບຈັບ, ມີໂຄຍສຳລັບໃຫ້ນໍ້າ ໄຫຼອອກທາງນັ້ນ ເອີ້ນວ່າ ການໍ້າ ຫຼື ໝໍ້ກາ.

ເຄື່ອງໝາຍບວກ (+) ຊຶ່ງຕັດມາຈາກ ຄຳວ່າ ກາກະປາທະ (ຕີນກາ). ມີຮູບເໝືອນຕີນກາ ເອີ້ນ ກາບາດ, ກາກະບາດ ກໍວ່າ.

ຂຽນເຄື່ອງໝາຍ ຢ່າງໃດ ຢ່າງໜຶ່ງ (ໄວ້).

ຊື່ປາແນວໜຶ່ງ ເປັນປາມີເກັດ, ເກັດສີມຸມ ໆ ຄ້າຍຄືປາເພ້ຍ.