ກັດ

ຊື່ປາຊະນິດໜຶ່ງໂຕນ້ອຍໆ ສີຂຽວເຫຼື້ອມງາມ ອອກດຳ ຫາງແດງ ມັກກັດກັນ ຈຶ່ງເອີ້ນ ປາກັດ.

ຄໍາກໍາກັບຊື່ປີໃນວິທີນັບຈຸນລະສັງກາດ ກົງກັບເລກ 6, ບູຮານເອີ້ນວ່າແມ່ມື້ ຄື: 1. ກາບ, 2. ຮັບ, 3. ຮວາຍ, 4. ເມີງ, 5. ເປິກ, 6. ກັດ, 7. ກົດ, 8. ຮ້ວງ, 9. ເຕົ່າ, 10.ກາ.

ການຕໍ່ສູ້ຂ້າເສິກ ເອີ້ນ: ກັດ.

ຜຽກ ຫຼື ດາງແຫໄປກັ້ນ ຫຼື ຕັນທາງນໍ້າໄຫຼ ເພື່ອສະກັດເອົາປາ ເອີ້ນ: ກັດປາ, ສະກັດປາ, ກັ້ນປາ, ດັກປາ ກໍວ່າ.

ຂົບໃຫ້ຂາດດ້ວຍແຂ້ວ ຫຼືຂອງມີຄົມ. ເຮັດໃຫ້ເປື່ອຍດ້ວຍຢາ, ເຮັດໃຫ້ເປັນຮອຍແຂ້ວ.